Институтот за математика во своето скоро осумдецениско постоење има образувано повеќе од 750 дипломирани математичари и професори по математика, околу 120  магистри и околу 50 доктори на математички науки.

Преку континуираното осовременување на студиските програми на нашите додипломски и постдипломски студии, ги оспособуваме студентите за правилно расудување, концептуално разбирање и стекнување знаења и вештини коишто ќе им бидат потребни во нивниот личен и професионален живот.

Нашата цел е да промовираме и одржуваме средина која поттикнува креативност, критичко мислење, истражување и активно учење, да овозможиме стимулативни математички искуства, но и практично искуство во професионални организации. Институтот за математика ќе се погрижи да стекнете солидно математичко образование и да станете професионалци коишто ќе бидат конкурентни на пазарот на трудот.