Студиската програма на вториот циклус студии Применета математика-Математичка статистика, актуарство и математичко моделирање во економија, што се предлага за реакредитација, за првпат е акредитирана за учебната 2014/2015 година. Оваа насока е природно продолжување на студиската програма математичка економија/актуарска и финансиска математика што петнаесетина години се изведуваат на првиот циклус студии по математика. Оваа студиска програма е реакредитирана во 2019/2020 година, и во 2023/2024 година. Наставата се изведува во два семестра. Кандидатите што ги завршуваат овие студии стекнуваат 60 ЕКТС кредити.

  

• Применета математика - математичка статистика, актуарство и математичко моделирање во економија
• Master Studies in Applied Mathematics - Mathematical Statistics, Actuarial Mathematics and Mathematical Modeling in Economy

​Услови за запишување на студиите

 На студиската програма Применета математика-математичка статистика, актуарство и математичко моделирање во економија имаат право на запишување лица кои:

• завршиле прв циклус студии по математика, сите насоки;
• завршиле двопредметни студии по математика – физика;
• завршиле додипломски студии (стари студии VII/1) по теориска или наставна математика;
• завршиле прв циклус академски студии на некој технички факултет или некој друг сроден факултет;
• завршени сродни специјалистички студии од соодветно научно подрачје.

• Магистер по применета математика - математичка статистика, актуарство и математичко моделирање во економијата
• Master of Science in Applied Mathematics – Mathematical Statistics, Actuarial Mathematics and Mathematical Modeling in Economy / Англиски транскрипт на називот

 
Студиската програма по применета математика - математичка статистика, актуарство и математичко моделирање во економијата нуди основа за продлабочување на знаењата од областа на статистиката, актуарството и математичкото моделирање во економијата на сегашните и идните вработени во банкарскиот сектор, осигурителните друштва, пензиски и здравствени фондови, владини агенции, консултативни компании и други вакви организации. Магистрите на оваа програма имаат можност за вработување во било кој сектор како статистички аналитичари, финансиски аналитичари, консултанти, истражувачи на пазарот. Студентите на оваа студиска програма се стекнуваат со потребните математичките занаења кои се применуваат во актуарската професија.

 

 
Студиската програма Математичка статистика, актуарство и математичко моделирање во економија на вториот циклус студии се состои од 3 задолжителни предмети и 1 изборен предмет. Преку изборните предмети студентите го продлабочуваат своето знаење од одредена научна област од математиката која е поле на нивен интерес. Сите предмети носат 10 кредити и имаат фонд од 3 часа предавања и 3 часа вежби.

Студентот ги запишува предметите по претходна консултација и одобрување од раководителот на студиската програма.