Соопштенија

Code for Earth 2024 

Студентите што се заинтересирани можат да се пријават на една од понудените тематики (индивидуално или во група). Доколку се избрани, ќе можат да работат со ментори на проектот и секој успешно завршен проект ќе добие награда од 5000 евра. Дополнителен линк: Code for Earth

Предметот СПОРТ И ЗДРАВЈЕ кај проф. д-р Ристо Стаменов од  Факултетот за физичко образование, спорт и здравје
iysskopje@yahoo.com  ќе се полага на 17.04.2024 во 14.30 часот.

Од Деканатот

Предметот МАКЕДОНСКИ ЈАЗИК кај проф. д-р Симон Саздов -  Филолошки  факултет (s.sazdov@yahoo.com) ќе се полага на 17.04. 2024 година во 10:30 часот во просторијата ТЕМПУС, во близина на Библиотеката за македонски јазик на Филолошкиот факултет  „Блаже Конески“, на прв кат.

Од Деканатот

Се известуваат студентите од Институтот за математика дека предметот ПСИХОЛОГИЈА кај проф. д-р Калина Сотироска - Филозофски факултет, ќе го полагаат на 15.04.2024 во 16:00 часот во просториите на Филозофски факултет, со претходна најава на маил на проф. kalina.sotiroska@fzf.ukim.edu.mk

Од Деканатот

ТЕОРИЈА - 12 април 2024 година (петок), почеток 12:00 часот

ЗАДАЧИ - 17 април 2024 година (среда), почеток 12:00 часот

ЗАБЕЛЕШКА - Студентите, покрај пријавувањето во системот iknow, задолжително треба да го најават своето присуство најдоцна 48 часа пред закажаниот термин со испраќање електронска порака до предметниот наставник на следнава адреса petreskairina@gmail.com. На денот на испитот студентите треба да бидат пред кабинетот на предметниот наставник (кабинет бр. 107 на Институтот за физика) 15 минути пред почетокот на испитот.

Од предметниот наставник

проф. д-р Ирина Петреска

Се известуваат студентите од Институтот за математика коишто имаат право да полагаат испити во априлската испитна сесија 2024 (студентите кои уредно го имаат запишано летниот семестар во уч. 2023/2024 г. и уредно им е заверен зимскиот семестар од уч. 2023/2024 г.) дека може да полагаат само еден испит од зимскиот семестар од учебната 2023/2024 год.

Писмените испити ќе се одржат во четврток, 11.04.2024 год. со почеток во 12 часот во математичкиот амфитеатар.   

Студентите задолжително да ги пријават испитите електронски (во iKnow системот), како и да се пријават по маил кај асистент Ерблина Зеќири на erblina_zeqiri@hotmail.com, заклучно до петок, 05.04.2024 година, до 14 часот.

 Студентот на денот на полагање на испитот треба да носи со себе индекс и пријава за испит (хартија).

18.03.2024 г.                                                                                        

Институт за математика

Како дел од прославувањето на Глобалната недела на парите, а со цел унапредување на финансиската писменост на населението, со посебен акцент на студентите, координативно тело од регулаторните институции за финансиска едукација (Народна банка, Министерство за финансии,Агенција за супервизија во осигурувањето, МАПАС и Комисијата за хартии од вредност) во соработка со Бирото за образование, следната недела организираат низа предавања.
Во соработка со Институтот за математика, ВФП Пензискиот фонд ќе одржипредавање кое е од интерес на сите студенти при ПМФ, но и во интерес навработените. Ќе може да се запознаеме со Пензискиот систем на нашата држава, можностите, социјалното, капитализираното пензиско осигурување, но и со третиот столб, приватното пензиско осигурување.
Ја користиме оваа прилика да ве поканиме на ова предавање, што ќе се одржи во математичкиот амфитеатар на 21.03.2024 (четврток), со почеток од 12:00 часот. Времетраењето на излагањето ќе е најмногу 45 минути.

Семинарот „Математика и примени“ се одржува традиционално веќе неколку години, а неговата цел е промовирање на математичките науки меѓу младите, преглед на досегашните достигнувања во математичките науки и нејзините примени, разгледување насоки и можности за идни истражувања. Предавањата на Седмиот семинар ќе бидат од научно-популарна природа во рамките на теориската и применетата математика. За учество на овој настан не се плаќа котизација. На предавачите ќе им биде доделен сертификат за учество и ќе им биде овозможено објавување на нивниот труд во едицијата Математички омнибус. Нема да се доделуваат сертификати за слушателите.
 
На Семинарот можат да учествуваат како предавачи или слушатели студенти од сите три циклуси и сите насоки на факултетите при УКИМ: ПМФ, ФЕИТ, ФИНКИ, Машински факултет, Градежен факултет, Економски факултет, како и од други факултети при универзитетите во Македонија. Ги каниме и сите заинтересирани униврзитетски професори и соработници, но и претставници од индустрискиот и општествениот сектор, со своето присуство и учество да го збогатат овој настан.
 
Важни датуми:
​
8 март 2024 година - краен рок за поднесување наслов и апстракт од предавањето. Заинтересираните предавачи треба да ги пратат насловот и апстрактот на своето предавње на адреса: проф. д-р Ирена Стојковска (irena.stojkovska@gmail.com, irenatra@pmf.ukim.mk) или на: проф. д-р Весна Целакоска-Јорданова (celakoska@gmail.com). Должината на секое поединечно предавање на Семинарот е 20 минути. Урнекот за апстрактот, кој треба да ни го пратите, може да го симнете одовде: urnek_za_apstrakt_mip2024.doc. 

11 март 2024 година - краен рок за задолжителна онлајн регистрација.

15 март 2024 година - ден на одржување на Семинарот.
​
30 јуни 2024 година - краен рок за поднесување трудови од одржаните предавања за објавување во електронското и печатеното издание од едицијата Математички омнибус и на математичкиот портал на Институтот за математика - ПОИМ. Заинтересираните предавачи за објавување труд од нивното предавање, својата работа треба да ја испратат на адреса на координаторите: проф. д-р Ирена Стојковска (irena.stojkovska@gmail.com, irenatra@pmf.ukim.mk) или на: проф. д-р Весна Целакоска-Јорданова (celakoska@gmail.com).
Урнекот за трудот може да го симнете одовде: urnek_za_trud_mip2024.doc.
Фонтовите што се користат во овој урнек се македонски (SKOLA_font_family.zip) и
​можат да се преземат одовде: Македонски кирилични фонтови | Министерство за информатичко општество и администрација (mioa.gov.mk).

​Ве покануваме да учествувате на Семинарот, било како предавач, било како слушател, за заедно да ѝ оддадеме признание на македонската математичка традиција, но и на математиката и нејзината примена во науките, технологијата, природата, културата и животот воопшто.

​Со почит,
Координаторите на Семинарот
Проф. д-р Ирена Стојковска (irena.stojkovska@gmail.com, irenatra@pmf.ukim.mk)
Проф. д-р Весна Целакоска-Јорданова (celakoska@gmail.com)

Оваа година, студентската манифестација Приматијада ќе се одржи во Требиње, Босна и Херцеговина, во период од 28 април до 2 мај 2024 година.

Рокот за испраќање на апстрактот за научните трудови е до 1 април 2024 год., а целосниот научен труд треба да биде испратен до 10 април.2024 год.

Пријавувањето е ОТВОРЕНО и заинтересираните студенти може да се пријават на следната Google форма:

https://docs.google.com/.../1FAIpQLSdBEYrjNyO.../viewform...

Дополнително, на следниот линк може да се најдат и правилата за натпреварување:

https://primatijada.rs/?page_id=99