ИМплус (Гласник на ИМ)

Изданија на ИМплус

Бесконечно многу идеи, плус уште една ♾️➕


ИМплус (Гласник на Институтот за математика)

Добредојдовте во ИМплус

По повод 80 години · 1946–2026

ИМплус е покренат по повод 80 години од основањето на Природно-математичкиот факултет и на Институтот за математика и му е посветен на овој јубилеј. На 16 декември 1946 започна наставата на Природно-математичкиот оддел, а со него и катедрата по математика, првата високошколска установа во Македонија.

Што е ИМплус?

ИМплус е гласник на Институтот за математика при Природно-математичкиот факултет во Скопје. На едно место ги собира новостите од Институтот за математика во шест рубрики.

Зошто?

Активностите на Институтот се објавуваат на различни места, односно на веб-страниците на Институтот, на порталот ПОИМ, Природно-математичкиот факултет и институциите и здруженијата со кои соработува. ИМплус ги собира заедно, за колегите, студентите, учениците и пошироката јавност.

Како?

Секој број ги опфаќа активностите од последните два месеци, поделени во шест рубрики. Секој текст ја носи ознаката на својата рубрика. Вестите ги испраќаат вработените, студентите и соработниците на Институтот, со наслов, линк, датум и фотографија, или со краток опис до 150 зборови.

Името и знакот

ИМ е кратенка од Институт за математика, а плус значи нешто повеќе. Знакот е лемниската, кривата на бесконечноста, чие вкрстување во средината е знак плус.

Рубрики

01 Настава
02 Наука
03 Меѓународна соработка
04 Развој и иновации
05 Соработка со стопанството
06 Студенти

Испратете вест

Наслов, линк до објавата, датум и фотографија, или опис до 150 зборови. Содржините не треба да се постари од два месеци.
stevogjorgiev@pmf.ukim.mk

Уредник: м-р Стево Ѓоргиев


© 2026. Институт за математика, ПМФ, УКИМ, Скопје.