Соопштенија

На 22.12.2022 година со почеток во 10:30 часот на Институтот за математика при ПМФ во предавалната М148, проф. д-р Живорад Томовски, редовен професор на Природно-математичкиот факултет во Скопје ќе одржи предавање со наслов: Фракционални карактеристични фунцкии и фракционални моменти од случајни променливи (Апстракт).

Предавањето е отворено за сите заинтересирани слушатели.

Од Институтот за математика

СООПШТЕНИЕ
Отворен ден на Универзитетот „Св. Кирил и Методиј“ во Скопје
2 декември 2022

Драги матуранти, наши идни студенти!

ОТВОРЕН ДЕН на Универзитетот ,,Св. Кирил и Методиј” во Скопје, на 2 декември 2022 во два термина, во 10:00 часот и во 12:00 часот, со физичко присуство на секој од факултетите!

Ќе бидат презентирани студиските програми на факултетите, активностите на студентите, центрите за кариера. Запознајте ги одблиску професорите и студентите, прашајте сè што ве интересира за студиските програми, можностите за стипендирање, слушнете ги искуствата на студентите, нивните активности и вклученост во научноистражувачките проекти, дознајте за можностите за меѓународна размена, за студентскиот живот, за практикантството, за кариерните можности.  Прошетајте низ факултетите на УКИМ, запознајте се со нивните физички капацитети, предавални, лаборатории...

Студирајте на Универзитетот со најдолга традиција во нашата земја!

Учете од најдобрите, студирајте на Универзитетот ,,Св.Кирил и Методиј” во Скопје!

***Презентацијата на студиските програми на Инстутутот за математика ќе се одржи со почеток во 12.30 часот во Математичкиот амфитетар М121. Истата ќе може да ја следите и онлајн на следниот линк: https://us05web.zoom.us/j/83430522089?pwd=ak04VTFBaGNjUDJxeVhJWktmMURjUT09

С О О П Ш Т Е Н И Е

На 24.11.2022 година со почеток во 10:00 часот на Институтот за математика при ПМФ во предавалната М148, проф. д-р Невена Мијајловиќ, вонреден професор на Природно-математичкиот факултет на Универзитетот на Црна Гора од Подгорица ќе одржи предавање со наслов:

„Методи за решавање на квазиваријациони неравенства“

Предавањето е отворено за сите заинтересирани слушатели.

Повеќе информации за проф. д-р Невена Мијајловиќ може да се најдат нанејзината web-страна https://www.ucg.ac.me/radnik/170334.

Од Институтот за математика

Почитувани,

На ден 03.10.2022 година (понеделник) ќе се одржи првиот академски час со почеток во 12:00 часот, во амфитеатарот „проф. д-р Ордан Печијаре“- (кој се наоѓа на приземје во горната зграда на Факултетот).

Новите студенти кои се запишани на сите студиски програми на Природно–математичкиот факултет во Скопје во учебната 2022/2023 година, ќе бидат поздравени од деканот на Факултетот проф. д-р Александар Скепаровски.

Со свеченоста ќе се одбележи и почетокот на новата академска учебна година.

По свеченоста, индексите на новите студенти ќе им бидат врачени од раководителите на соодветните институти.

Декан на ПМФ

Проф.д-р Александар Скепаровски

Почитувани,

На ден 03.10.2022 година (понеделник) ќе се одржи првиот академски час на Институтот за математика, со почеток во 12:45 часот, во Математичкиот амфитеатар М121.

Новите студенти кои се запишани на студиските програми на Институтот за математика при Природно–математичкиот факултет во Скопје во учебната 2022/2023 година, ќе бидат поздравени од раководителот на Институтот за математика проф. д-р Ирена Стојковска. На студентите ќе им бидат врачени индексите, со кој чин свечено ќе биде одбележан нивниот прием на Институтот за математика.

Раководител на Институтот за математика

Проф. д-р Ирена Стојковска